你地成日係財經台d 節目見到牛熊乜乜, 窩輪追乜, 相信大家都唔會陌生.
有冇諗過點解佢地可以落咁多廣告,原因就梗係劵商賺到盆滿缽滿啦.
牛熊證,窩輪本身係期貨/期權dd衍生工具中既衍生物.
期貨/期權係相對公平既, 原因係你可以買入,亦同時可以沽空.
價格會合理好多. 相反牛熊證/窩輪只可以買入, 你無貨係唔可以沽的, 分別好大.
打個比諭:
係迪士尼入面,買支水可能要是$30, 大家都明白因為佢做緊獨市生意.
試諗下, 如果任何人都可以係迪士尼賣水, 個價錢會點?
我見咁好賺就賣$28, 你見$28咁好賺就賣$26.
慢慢個價錢就會返去士多價錢$5支.
所以牛熊證/窩輪就好似係迪士尼買水,
期貨/期權就似係士多買/賣咁.
打多個比諭:
有冇人有賭開波? 當利物浦對曼城,
馬會開出黎賠利率係 1.85 對 1.98
好正常既抽水比例(實際約4.6%抽水)
但而家劵商開出黎係 1.65 對 1.7
賭開波都知個賠率好柒啦, 抽水咁深無得贏(實際約19.4%抽水)
但劵商好聰明, 佢係唔會比你知實際抽水有幾多, 直到你買左,
發覺有日正股升, 你隻野唔多升, 先覺得奇怪.
劵商對窩輪既操作可以好簡單, 例如你買左恆指某某Call輪,
劵商立即係市場買返相對既恆指期權Call 做對沖.
當第二日恆指真係升左, 恆指期權Call升左10%, 咁佢就Mark 返某某
Call輪升8%, 中間食2%.
實際操作唔係咁樣, 但你地明個意思啦.
睇到D 度, 係咪覺得窩輪/牛熊證好笨柒呢? 我自己去買期權好過啦,Exac7ly
關於窩輪仲有一樣柒野, 劵商出既窩輪年期都超長, 好多係超過一年先到期.
正常我地投資期權係唔會Long 一張咁遠期既Call (Short 會, 但Long 唔會),
你諗下一張咁遠期Long, 時間值咁多, 慢慢蝕都蝕死.
Long Call/Long Put 應該係越短越好, 追求佢個爆炸力(詳細之後拍期權篇再講).
劵商就係偏偏開一D 對散戶最無So 既窩輪條件 (抽水深, 年期長, 價位差).
牛熊證只想講一樣野, 邊L個諗出打靶D個機制?
我真心覺得佢犀利, D個打靶機制唔知幫劵商賺左幾多個億?
當而家恆指25800點, 你買左隻牛証, 收回價25000
聽日恆指朝早跌1000點, 下午反彈倒升2000點收市, 你買左牛証個市升係咪應該開心?
Sorry, 原來你隻牛證朝早已經打左靶, 之後升幾多都唔關你事. WTF
仲未計N咁多次, 個指數偏偏跌到整數多DD, 例如25999就反彈, 擺到明要殺埋26000牛證,
你話唔關劵商事? 我打死都唔信.
總結, 既然牛熊證/窩輪係期貨期權既衍生物,
不如就直接買期貨期權, 起碼公平D, 你買牛熊證/窩輪都係想要佢既槓桿期權一樣做到.
遲D 我會出一系列講買賣股票期權/指數期權.
No comments:
Post a Comment