4)保險
戴返頭盔先, 我唔係講所有保險產品要小心
我主要係講有投資成份既保險要小心
親身經歷, 關於101保險 (如有雷同,實在不幸)
如果你唔知乜野係101保險, 其實就係一個投資產品被包裝成保險
如果你有乜冬瓜豆腐, 保險會賠投資計劃現值既101%比你
個100%本身係你自己的, 保險公司係賠多1%比你
重點唔係D度, 而家開始講故仔
細個讀書時睇好多財經理財書
書入面有講到從小投資既好處呀, 復式增張既利害等等
而投資工具中, 基金有專家管理,
股票基金一次過投資數百間公司亦可以做到分散投資既好處
再加上秘技平均投資法, 每月投資相同金額,
升既時候個組合賺錢
跌既時候, 同一筆資金可以買更多單位
等未來回升既時候可以賺更多
細個時信到十足十, 相信我已經搵到投資既竅門
到左出黎做野無耐, 開始儲到D 錢
我已經準備好為我退休作打算, 準備好用平均投資法投資基金
有一日有一位男性保險從業員Cold Call
我當時黎講, 我正好有投資需要, 所以約左佢出黎傾
見到面, 一個四眼斯斯文文正常樣
講野談吐都OK, 一黎就好有見解地推介要買乜乜乜, 因為乜乜乜原因
(例如: 就黎日本奧運啦, 所以要買日本股票基金
而家中美貿易戰, D廠搬返美國, 所以要買美國中小型基金)
[都係我自己作的, 佢當時實際講乜唔Q記得]
諗返起都ON99, 同d 財演叫人夏天買青島冬天買波斯登一樣膠
後尾仲攞左份計劃書出黎, 列明如果5% 7% 9% 回報, N年之後會點
睇到20年後, 就會儲到幾百萬喎, D舖仲唔掂
幾百萬夠退休啦, 當時計淘大都係幾十萬一層
跟住就當然乖乖地簽約啦, 揀邊間保險公司我都無意見
一黎嗰時唔識, 二黎佢話D間有優惠咪D間囉
(而家睇返, 佢當然係揀左一間高佣金既保險公司啦)
事後知道, 我簽既月供101 plan, 供20年, 佢袋左2-3萬蚊佣金
仆你個街, 一餐飯都無請我食過
開頭幾個月見一次, 所謂檢討下個組合, 轉下基金咁
到後來佢轉左公司, 我份單變左孤兒單已經係後話
癈話講完, 而家黎睇下1x年後個回報, 同佢計劃書既9% 差幾遠?
我嗰時買左兩隻基金
First State China Growth
BNP Brazil
大家有冇聽過金磚四國BRIC呀?
以前好出名架, 我有其中兩磚仲唔發?
我地先睇睇佢而家佢個報價
First States bid price: 12.227 ask price: 13.15
P 你個K, 個bid ask 做乜野事? 闊過邊個個西
即係話我買就要用13.15 買, 賣就12.227賣, 硬食
一買一賣唔見7.5%, WTF
BNP Brazil 一L樣
bid price: 4.027 ask price: 4.33
再黎睇睇張Statement, D張應該係買左6,7年左右
你地睇睇個Surrender value 少Current value 幾多? WTF again
我係大約買左1x年既時候, 扣埋surrounder value 仲有少少賺既時候就cut Q 左
當初講既9%年回報, 連零頭都無
我敢肯定我只係個別失敗例子, 又無定力供夠20年,
話唔定渣到第19年遇到大牛市一次過追返D 升幅
其他人有冇買101 保險賺錢既經驗呀? 我真係想聽下
總結: 好似而家無得賣101, 又或者改左名做105 或其他名,
總知要小心有投資成份既保險, 完
No comments:
Post a Comment